गर्मी मौसम सुरु भएसँगै झाडापखालाको संक्रमण तीव्र रूपमा बढ्न थालेको देखिन्छ । स्वास्थ्य विशेषज्ञहरूका अनुसार गर्मीमा झाडापखालाको जोखिम धेरै हुने मुख्य कारण हो – दूषित पानी, खुला स्थानमा राखिएको खानपान, र अस्वच्छता ।
यो समयमा अत्यधिक तापमानका कारण खानेकुरा छिटो बिग्रने गर्छ । साथै, खुला ठाउँमा बेचिने पानि, जुस वा चाटजस्ता खाद्यवस्तुहरूमा फोहोरको सङ्क्रमण सहजै हुन सक्छ । झाडापखालाको प्रमुख कारक जीवाणु, भाइरस वा परजीवी हुन्, जुन दूषित खाना वा पानीबाट शरीरमा प्रवेश गर्छन् ।
गर्मी महिनामा विशेष गरी बालबालिका, वृद्ध र रोग प्रतिरोधात्मक क्षमता कमजोर भएका व्यक्तिहरू बढी प्रभावित हुन्छन् । लक्षणहरूमा बारम्बार दिसा लाग्ने, पेट दुख्ने, बान्ता, थकान र पानीको कमी (डिहाइड्रेसन) देखिन्छ ।
डाक्टरहरू भन्छन्, “झाडापखालाबाट बच्न सफा पानी पिउने, खाना पकाउँदा सावधानी अपनाउने र बाहिरी खानेकुरा सकेसम्म नखानु उपयुक्त हुन्छ ।” गर्मी मौसममा व्यक्तिगत सरसफाइ, हात धुने बानी र उकासिएको पानी मात्रै पिउनु नै प्रमुख बचाउका उपाय हुन् ।
