अन्तर्राष्ट्रिय अन्तरिक्ष स्टेशन (आईएसएस) मा हालका केही सातादेखि लगातार अन्तरिक्षयानहरू आउने(जाने क्रम चलिरहेको छ। निजी कम्पनीको एक्स-४ मिसनमा गएका अन्तरिक्षयात्रीहरूले जुलाई १४ को सुरुतिर आईएसएसबाट यान अलग गरेका थिए, जसले नासाको लागि स्पेसएक्सको आउँदै गरेको क्रू ११ मिसनका लागि बाटो खुला बनायो।
मे अन्त्यमा स्पेसएक्सको कार्गो ड्र्यागन यान स्टेशनबाट फर्किएको थियो भने जुलाई ५ मा रुसको प्रोग्रेस कार्गो यान पुग्यो, जसको अघिल्लो संस्करण आउँदो महिनामा फर्किने तयारीमा छ।
स्टारलाइनरले जुन २०२४ मा पहिलो पटक नासाका अन्तरिक्षयात्री सुनिता विलियम्स र बुट्च विलमोरलाई बोकेर क्रू फ्लाइट टेस्ट (सीएफटी) अन्तर्गत आईएसएसतर्फ उडेको थियो।
उक्त मिसन लगभग एक हप्ता रहने अनुमान गरिएको थियो। यो स्टारलाइनरको पहिलो मानवयुक्त उडान भए पनि यसअघि २०१९ र २०२२ मा दुई वटा मानवरहित कक्षा परीक्षण (ओएफटी) उडान गरिसकेको थियो ।
स्टारलाइनर बिना कुनै घटना सेप्टेम्बरमा पृथ्वी फर्कियो र न्यु मेक्सिकोको ह्वाइट स्यान्ड्समा प्यारासुटमार्फत सुरक्षित अवतरण गर्यो। यसबीच, विलियम्स र विल्मोर आईएसएसको दीर्घकालीन चालकदलको हिस्सा बने र स्पेसएक्सको क्रू(९ मिसन तथा आईएसएस एक्स्पेडिसन ७१र७२ मा समावेश भए।
उनीहरू क्रू ड्र्यागन फ्रिडम यानमार्फत अन्य दुई अन्तरिक्षयात्रीहरूसँग मार्चमा फर्किए, जसले उनीहरूको एक हप्ताको यात्रा आठ महिना भन्दा बढी लम्बिएको थियो।
त्यसबेलासम्म नासा र बोइङले स्टारलाइनरको डगहाउस भित्रका समस्याहरूको गहिरो विश्लेषण गरिसकेका थिए र प्रभावित भागहरूको परीक्षणका लागि यो गर्मीमा नासाको ह्वाइट स्यान्ड्स परीक्षण केन्द्रमा पठाउने तयारी गरेका थिए।
यी परीक्षणहरूबाट भविष्यमा चुहावट रोक्ने नयाँ सामग्री छनोट गर्न मद्दत पुग्नेछ र डगहाउसमा रहेका अन्य कम्पोनेन्टहरू र थ्रस्टरहरूबाट राम्रो इन्सुलेसन दिनेछ। तापक्रममा हुने उतारचढावलाई राम्रोसँग बुझ्न नासाले थ्रस्टरहरू विभिन्न तीव्रता र फ्रिक्वेन्सीमा फायर हुने ‘पल्स ट्रेन’ परीक्षणहरू गरिरहेको छ।
“हामी अक्सिडाइजर भल्भको तापक्रममा हुने भिन्नताबारे धेरै कुरा बुझिरहेका छौँ,” स्टिचले भने। “थ्रस्टरको एक छेउबाट अक्सिडाइजर र अर्को छेउबाट इन्धन जान्छ। यी ‘पल्स ट्रेन’ परीक्षणमार्फत तापक्रमको अन्तर बुझ्न सहयोग भइरहेको छ।”
स्टारलाइनर कहिले फेरि प्रक्षेपणस्थल पुग्ने भन्ने कुरा हेर्दा, अब सन् २०२५ सम्भव नदेखिएको स्टिचले बताए। “हामी साँच्चिकै अर्को वर्षको सुरुमै उडान गराउने लक्ष्यमा काम गरिरहेका छौँ,” उनले भने। तर, उनले थपे कि नासाले अर्को वर्षको अन्त्यतर्फ मात्र चालकदल घुमाउने अर्को मौका पाउने सम्भावना देखिएको छ।
