आज शुक्रबारदेखि काठमाण्डौको भृकुटीमण्डपमा विद्युतीय उपकरणलाई प्रवद्र्धन तथा प्रोत्साहन, विद्युत् तथा गुणस्तरीय विद्युतीय सामग्रीको व्यवसाय विकासका साथै आन्तरिक र अन्तर्राष्ट्रिय व्यापारको सहजीकरण एवं प्रवद्र्धन गर्ने उद्देश्यसहित प्रदर्शनी आयोजना गर्न लागिएको हो । प्रदर्शनी १३ देखि १५ भदौसम्म चल्नेछ ।
प्रदर्शनीमा उच्च गुणस्तरका अत्याधुनिक एवं नवीनतम प्रविधिका ट्रान्समिसन तथा डिस्ट्रिब्युसन सामग्री, ऊर्जा आपूर्ति तथा कन्ट्रोल डिभाइस, हाउस वायरिङका सामग्री, तार, केबुल एवं कन्डक्टर प्रदर्शन गरिनेछ । त्यस्तै, अत्याधुनिक प्रकारका स्विचहरू, एलइडी लाइटिङ, इलेक्ट्रोनिक्स उपकरण, घरेलु विद्युतीय उपकरणहरू, चार्जिङ स्टेसन, ब्याट्री, कार्यालयमा प्रयोग हुने विद्युतीय प्रविधि तथा अन्य विद्युतीय सामग्रीका कम्पनीहरूको सहभागिता रहने आयोजकले जनाएको छ ।
