सन नेपाल लाइफ इन्स्योरेन्सले आज (मंगलबार) देखि हकप्रद सेयर बिक्री खुला गरेको छ। इन्स्योरेन्सले हाल कायम चुक्ता पुँजीको २७ प्रतिशत हकप्रद सेयर निष्कासन गरेको हो।
कम्पनीले हाल कायम १ कित्ता सेयर बराबर नयाँ ०.२७ कित्ताको अनुपातमा हकप्रद निष्कासन गरेको हो। जस अनुसार कम्पनीले १ अर्ब ६ करोड ९६ लाख ३२ हजार रूपैयाँ बराबरको प्रतिसेयर १०० रूपैयाँ अंकित मूल्यका १ करोड ६ लाख ९६ हजार ३२० कित्ता हकप्रद निष्कासन गरेको छ।
उक्त हकप्रद प्रयोजनको लागि इन्स्योरेन्सले वैशाख ५ गते बुक क्लोज गरिसकेको छ। वैशाख ४ गतेसम्मका कायम सेयरधनीहरूले सो हकप्रद सेयरका लागि आवेदन दिन सक्नेछन्।
