नेपाल आइसिसी महिला टी–२० विश्वकपको ग्लोबल छनोटमा प्रवेश गरेको छ । एसिया छनोटअन्तर्गत सुपर– ३ को खेलमा यूएइलाई पाँच विकेटले हराएसँगै नेपाली महिला क्रिकेट टोलीले ऐतिहासिक उपलब्धी हात पारेको हो।
टस हारेर ब्याटिङको निम्तो पाएको युएईले निर्धारित २० ओभरमा सात विकेट गुमाउँदै ११४ रनको योगफल तयार पारेको थियो । प्रत्युत्तरमा नेपालले तीन बल बाँकी रहँदा पाँच विकेट गुमाउँदै जित निकाल्यो ।
नेपालका लागि कप्तान इन्दु बर्माले अविजित ३० रनको योगदान गरिन् । यसैगरी रुविना क्षेत्रीले २३, सम्झना खड्काले २१ र पूजा महतोले १३ रन बनाए । युएईका लागि मिसेल बोथ, सुरक्षा कोटे, वैष्णभी महेश र कप्तान इशा ओजाले सामना एक विकेट लिए ।
