अमेरिकी राष्ट्रपति डोनाल्ड ट्रम्पले हालै इजरायलले बनाएको योजना अन्तर्गत ईरानका सर्वोच्च नेता आयतोल्ला अली खामेनीको हत्या गर्ने प्रस्तावलाई अस्वीकार गरेका छन् । विभिन्न बिदेशी संचार माध्यमहरु एपी,सिएनएन,फक्सन्यूज, सीबीएस न्यूज लगायतलाई अमेरिकी अधिकारीहरूले बताएको उल्लेख गरेका छन् ।
एक अमेरिकी अधिकारीका अनुसार, इजरायली पक्षसँग खामेनीलाई मार्ने मौका थियो, तर राष्ट्रपति ट्रम्पले प्रधानमन्त्री बेन्जामिन नेतान्याहुलाई यो विचार राम्रो होइन भनेर स्पष्ट रूपमा बताएका थिए। यो कुराकानी गत साता इजरायलले ईरानमाथि ठूलो आक्रमण गरेपछि भएको हो।
