जगदम्बा मोटर्स नेपालले ‘टिभिएस जुपिटर ११०’ स्कुटर भित्र्याएको छ । टिभिएस जुपिटरले विश्वभरका ७० लाखभन्दा बढी प्रयोगकर्ताहरुको विश्वास जित्दै, उनीहरुको विविध आवश्यकताहरु पूरा गर्दै आएको छ ।
नयाँ टेक फ्रेंड्ली जुपिटर ११० नेपालका उपभोक्ताहरुका बदलिँदो रोजाइअनुसार तयार गरिएको नयाँ टेक्नोलोजीमा आधारित स्मार्ट स्कुटर भएको कम्पनीले जनाएको छ ।
आज सोमबार एक कार्यक्रमकाबीच लञ्च गरिएको सो स्कुटरमा सुरक्षादेखि सुविधा, प्रविधि र टिकाउपनमा नयाँ उचाइ दिइएको र यसलाई ग्राहकहरुले अत्यधिक मन पराउनेमा आफूहरु विश्वस्त रहेको जगदम्बा मोटर्सका प्रतिनिधि साहिल अग्रवालले बताए ।
