सत्तारुढ दल नेपाली काग्रेसले आगामी दिनमा केन्द्रीय समिति बैठकको प्रत्यक्ष प्रशारण गर्ने भएको छ।
पार्टी केन्द्रीय कार्यालय सानेपामा बसेको केन्द्रीय समितिको बैठकमा नेताहरुको प्रश्नको जवाफ दिँदै पार्टी सभापति शेरबहादुर देउवाले आगामी दिनमा बस्ने बैठकको सबै प्रत्यक्ष प्रशारण हुने बताए।
‘यसको प्रत्यक्ष प्रशारण गर्न पाएको भए राम्रो हुने रहेछ, यहाँ भएका सबै कुराहरु बाहिर गएर नेताहरु बोलिहाल्ने रहेछन्,’ देउवाले भने, ‘अबदेखि प्रत्यक्ष प्रशारणको समझदारी लागू गर्ने हो। सबै साथीहरुलाई बोल्ने इच्छा छ, राम्रो बोल्छन् सबै। सबैलाई लाइभमै बोल्ने इक्षा पनि छ।’
मिडियामा आफ्ना भनाइहरु लैजाने चाहना सबै नेताहरुलाई रहेकाले आगामी दिनमा प्रत्यक्ष प्रशारण हुने बताए।
