सामसङले आफ्नो एआई प्रविधिलाई अगाडि बढाउन काम गरिरहेको छ। जुलाई ९ मा भएको ग्यालेक्सी अनप्याक्ड कार्यक्रममा, कम्पनीले वर्षको अन्त्यसम्ममा ४० करोड उपकरणहरूमा ग्यालेक्सी एआई पुर्याउने योजना बनाएको छ, जुन सन् २०२४ को तुलनामा दोब्बर हो।
कम्पनीको लक्ष्य फोन, ट्याब्लेट, वेयरेबल डिभाइस, फोल्डेबल र एक्सआर हेडसेटहरूमा स्मार्ट र अधिक सहज अनुभव प्रदान गर्नु हो।
सामसङ एमएकस्का अध्यक्ष टिएम रोहले कम्पनीको कार्यक्रम पछि पत्रकार सम्मेलनमा रोलआउटको पुष्टि गरे।
एआई सुइट ग्यालेक्सी जेड फोल्ड ६, ग्यालेक्सी जेड फ्लिप ६, ग्यालेक्सी एस२४ एफई, ट्याब एस१० शृङ्खला, ग्यालेक्सी एस२५ शृङ्खला र ग्यालेक्सी जेड फोल्ड ७, ग्यालेक्सी फ्लिप ७ मा पुगेको छ।
ग्यालेक्सी ट्याब एस ११ र एस २५ एफई, दुबै यस वर्षको अन्त्यमा प्रस्तुत हुने अपेक्षा गरिएको छ, र यी दुबैले पनि विस्तारित एआई प्राप्त गर्नेछन। ग्यालेक्सी ए ३५, ए ३६, ए ५५ र ए ५६ जस्ता मध्यम(दायराका स्मार्टफोनहरूले पनि अवेसम इन्टेलिजेन्स ९ब्धभकयmभ क्ष्लतभििष्नभलअभ० प्राप्त गर्दैछन्, ग्यालेक्सी एआईको सानो संस्करण जसले अझै पनि वास्तविक समयमा अनुवाद जस्ता सुविधाहरू प्रदान गर्दछ।
सामसङको ट्राई(फोल्ड फोन ग्यालेक्सी जी फोल्ड र सामसङको आगामी एक्सआर डिभाइस वर्षको अन्त्यसम्ममा लन्च हुने पुष्टि भएको छ, दुबै ग्यालेक्सी एआई क्षमताले सुसज्जित हुनेछन्। सामसङले २०२५ को अन्त्यसम्म सबै एआई सुविधाहरू निःशुल्क राख्ने आफ्नो योजना पनि पुष्टि गर्यो।
यद्यपि, यसको अर्थ केही एडभान्स डिभाइसहरू त्यसपछि चार्ज हुन सक्छन्, जुन ग्यालेक्सी एस २६ श्रृंखलाबाट सुरु हुने सम्भावना छ।
