भोली बाट शुरु हुने प्रतिष्ठित ‘टेक एक्स – एलिभेट २०२५’ प्रविधि उत्सवको तेस्रो संस्करण सफ्टवारिका कलेज अफ आईटी एन्ड ई–कमर्सको परिसरमा आयोजना हुँदैछ।
असार ३२ गतेबाट सुरु भई ४ दिनसम्म चल्ने यो कार्यक्रम प्रविधिप्रेमी विद्यार्थी, स्टार्टअप र आईटी उद्योगका लागि एक महत्त्वपूर्ण प्लेटफर्म बन्नेछ।
प्रविधि प्रदर्शनीमा रोबोटिक्स र एआईको दबदबा हुदै गइरहेको सन्दर्भमा यस वर्षको ‘टेक एक्स स् एलिभेट २०२५’ मा २० भन्दा बढी रोबोटिक्स र एआई–आधारित प्रोजेक्टहरू प्रदर्शन गरिनेछन्। कलेजका वर्तमान र पूर्व विद्यार्थीहरूद्वारा विकसित गरिएका यी परियोजनाहरूले नवीनतम प्रविधि र सिर्जनात्मकताको झलक प्रस्तुत गर्नेछन्।
साथै, २० भन्दा बढी स्टार्टअपहरूले आफ्ना नवीन विचार, उत्पादन र व्यावसायिक मोडेलहरू प्रस्तुत गर्ने अवसर पाउनेछन्, जसले उद्यमशीलतालाई प्रोत्साहन गर्नेछ।
