माछापुच्छ्रे बैंक लिमिटेडको सञ्चालक समितिमा विश्व प्रकाश गौतम नयाँ सदस्यका रूपमा नियुक्त भएका छन्। साउन ५ गते बसेको बैंकको सञ्चालक समितिको बैठकले रिक्त रहेको सञ्चालक पदमा गौतमलाई सर्वसाधारण सेयरधनीहरूको तर्फबाट नियुक्त गर्ने निर्णय गरेको हो।
गौतमको नियुक्तिसँगै बैंकको रणनीतिक तथा नीतिगत निर्णय प्रक्रियामा नयाँ ऊर्जा थपिने विश्वास गरिएको छ। उनी वित्तीय क्षेत्रको अनुभवयुक्त व्यक्ति हुन्, जसले संस्थागत सुशासन र पारदर्शितामा योगदान पुर्याउने बैंकको अपेक्षा छ।
हाल माछापुच्छ्रे बैंकले देशभर आफ्ना शाखा तथा सेवा केन्द्रहरू विस्तार गर्दै ग्राहकमैत्री सेवा प्रदान गरिरहेको छ। बैंकको सञ्चालक समितिमा विविध पृष्ठभूमिका सदस्यहरूको सहभागिता संस्थाको दीर्घकालीन रणनीतिमा टेवा पुग्ने विश्वास बैंकले व्यक्त गरेको छ।
