नेको इन्स्योरेन्स लिमिटेडले भदौ २२ देखि २४ गतेसम्म निर्जीवन बीमा अभिकर्ता तालिम सञ्चालन गर्ने भएको छ। कम्पनीले सार्वजनिक सूचना जारी गर्दै तालिमका विवरण सार्वजनिक गरेको हो।
कम्पनीका अनुसार तालिम बिहान १० बजेदेखि साँझ ५ बजेसम्म सञ्चालन हुनेछ। केन्द्रिय कार्यालय ज्ञानेश्वर, काठमाडौंबाट भर्चुअल माध्यममार्फत तालिम सञ्चालन गरिने कम्पनीले जनाएको छ।
तालिममा सहभागी हुन इच्छुक व्यक्तिहरूले कम्तीमा प्लस टु उत्तिर्ण भएको हुनुपर्ने आवश्यक शर्त राखिएको छ। कम्पनीले तालिममार्फत बीमा क्षेत्रमा दक्ष अभिकर्ता तयार गर्ने लक्ष्य राखेको छ।
