बालुवाटारमा मन्त्रिपरिषद्को बैठक सुरु भएको छ।
केही बेरअघिबाट प्रधानमन्त्री केपी शर्मा ओलीको सरकारी निवास बालुवाटारमा मन्त्रिपरिषद् बैठक सुरु भएको हो।
प्रधानमन्त्री ओली शनिबार चीन भ्रमणमा जान लागेका छन्। चीन जानुअघि उनले मन्त्रिपरिषद् बैठक बोलाएका हुन्। सांघाई कोअपरेसन अर्गनाइजेसन (एससीओ) को शिखर सम्मेलनमा भाग लिन ओली चीन जान लागेका हुन्।
केही दिनमै नेपाल प्रहरीको महानिरीक्षक ९आईजीपी० पद पनि खाली हुने भएकाले आजको मन्त्रिपरिषद् बैठकमा यस विषयमा पनि छलफल हुने सम्भावना छ।
हालका आईजीपी दीपक थापा यही भदौ १८ गते अनिवार्य अवकाशमा जाँदै छन्। अब नयाँ आईजीपीका दाबेदारमा अतिरिक्त महानिरीक्षक चन्द्रकुबेर खापुङ अगाडि छन्।
यसैबीच प्रधानमन्त्री ओलीले आजै दिउँसो १ बजे प्रतिनिधि सभा बैठकमा पनि सम्बोधन गर्ने कार्यक्रम छ।
