चालु आर्थिक वर्ष २०८२–८३ को पहिलो महिनामा निर्जीवन लघुबीमा कम्पनीहरूले उल्लेखनीय व्यापार गरेका छन्। नेपाल बीमा प्राधिकरणका अनुसार साउन महिनामा चार लघुबीमा कम्पनीले कुल २८ हजार ४५६ वटा बीमालेख बिक्री गरेका छन् र ७ करोड ८२ लाख ८६ हजार रुपैयाँ बीमा शुल्क आर्जन गरेका छन्।
सबैभन्दा धेरै प्रोटेक्टिभ माइक्रो इन्स्योरेन्स कम्पनीले ७ हजार ९९२ वटा बीमालेख बिक्री गरी २ करोड ८ लाख ८३ हजार रुपैयाँ बीमा शुल्क आर्जन गरेको छ।
नेपाल माइक्रोले ६ हजार ९७३ वटा बीमालेख बिक्री गरी २ करोड १ लाख २१ हजार रुपैयाँ बीमा शुल्क आर्जन गरेको छ।
ट्रस्ट माइक्रो इन्स्योरेन्सले ६ हजार १३२ वटा बीमालेख बिक्री गरी १ करोड ९८ लाख २ हजार रुपैयाँ, भने स्टार माइक्रो इन्स्योरेन्सले ७ हजार ३५९ वटा बीमालेख बिक्री गरी १ करोड ७४ लाख ८० हजार रुपैयाँ बीमा शुल्क आर्जन गरेको छ।
यस तथ्यांकले लघुबीमा क्षेत्रको व्यापार विस्तार र ग्राहक पहुँचमा सकारात्मक वृद्धि भएको देखाएको छ।
