नेकपा एमालेका स्थायी कमिटी सदस्य कर्ण थापाले पनि सचिवालय बैठकमा फरक मत दर्ता गराएका छन्।
बिहीबार दिउँसो बसेको सचिवालय बैठकमा दर्ता गराएको उनको फरक मतबारे आज शुक्रबार सुरु हुने एमाले विधान महाधिवेशनमा छलफल हुनेछ।
३२ पृष्ठको आफ्नो फरक मतमा उनले पूर्वराष्ट्रपति एवं पार्टीका पूर्वउपाध्यक्ष विद्यादेवी भण्डारीको सदस्यताका विषयमा पनि लामै कुरा लेखेका छन्।
त्यसमा स्थायी कमिटी सदस्य थापाले पूर्वउपाध्यक्ष भण्डारीको सदस्यता एक वर्षअघि नै नवीकरण भइसकेको उल्लेख गर्दै पार्टीले नै अवलम्बन गरेको लोकतान्त्रिक व्यवस्था र अभ्यासविपरीत मात्र नभएर लोकतन्त्रका विश्वव्यापी मान्यता र नेपालको संविधानकै प्रतिकूल रहेको जिकिर गरेका छन्।
२०६२ साल असार १४ गते पार्टी अध्यक्ष केपी शर्मा ओलीले नै भण्डारीको सदस्यता एक वर्षअघि नै नवीरकण भएको र उनी फेरि पार्टीको सदस्य भइसकेको भनेर सार्वजनिक कार्यक्रममै घोषणा गरेको दाबी पनि थापाले आफ्नो फरक मतमा गरेका छन्।
थापाले भण्डारीलाई एमालेमा रोक्नु प्रत्युत्पादक हुनसक्ने चेतावनी दिँदै उनलाई ससम्मान पार्टीको जिम्मेवारी दिन माग पनि गरेका छन्।
