धादिङ जिल्लाको बेनीघाट रोराङ गाउँपालिका–१० अन्तर्गत ज्वाङखोला र तिङ्राङखानीमा आज बिहान १० बजेबाट भू–स्खलन भएपछि पृथ्वी राजमार्गमा सवारी साधनको सञ्चालन पूर्णरूपमा अवरुद्ध भएको छ।
जिल्ला ट्राफिक प्रहरी कार्यालय गजुरीका इन्स्पेक्टर सुरज श्रेष्ठका अनुसार, राजमार्गबाट सवारी साधनको आवागमन सुचारु गर्न भू–स्खलनको मलबा हटाउने प्रयास जारी छ।
दशैंको अवसरमा घर फर्किन थालेका हजारौं यात्रु भू–स्खलनका कारण मार्गमा अलपत्र परेका छन्। धादिङ जिल्ला प्रहरी कार्यालयका एसपी भेषराज रिजालले सुरक्षा जस्ता कर्मचारीहरूलाई सवारी साधन सुरक्षित स्थानतर्फ सार्न खटाइएको जानकारी दिएका छन्। यात्रुहरूलाई सतर्क रहन र आवश्यक परे वैकल्पिक मार्ग प्रयोग गर्न अनुरोध गरिएको छ।
स्मरणीय छ, यसै राजमार्गमा सोमबार राति ज्वाङखोलामा सुख्खा भू–स्खलनका कारण १७ घण्टा सवारी साधनको आवागमन अवरुद्ध भएको थियो। बुधबार बेलुकीको भू–स्खलन हटाइएपछि बिहानै बाटो सञ्चालनमा आएको थियो।
