देशभर अझै मनसुनको प्रभाव देखिन थालेको छ। हाइड्रोलोजी तथा मौसम विज्ञान विभागका अनुसार, कोशी, लुम्बिनी, कर्णाली र सुदूरपश्चिम प्रदेशमा मौसम सामान्यतया बदली रहनेछ भने बाँकी प्रदेशमा आंशिक रूपमा बदली रहने सम्भावना छ।
त्यस्तै, कोशी, बागमती, लुम्बिनी, कर्णाली र सुदूरपश्चिमका केही स्थानमा मेघगर्जनसहित मध्यम वर्षा हुने सम्भावना रहेको विभागले जनाएको छ। अन्य प्रदेशका पहाडी र तराई क्षेत्रमा पनि आंशिक वर्षा हुन सक्ने देखिएको छ।
आज राति पनि कोशी, लुम्बिनी, कर्णाली र सुदूरपश्चिम प्रदेशमा सामान्यतया बदली रहनेछ भने बाँकी प्रदेशमा आंशिक बदली रहने अनुमान छ। साथै, कर्णाली र सुदूरपश्चिमका केही स्थानमा राति मेघगर्जनसहित मध्यम वर्षाको सम्भावना रहेको मौसम विभागले जनाएको छ।
विभागले नागरिकहरुलाई पानी परेपछि सडक र पहाडी क्षेत्रमा सम्भावित जोखिमप्रति सचेत रहन र आवश्यक सावधानी अपनाउन समेत अनुरोध गरेको छ।
