रण न्यालु ताल जाने सडक अवरुद्ध भएसँगै यातायात सेवा ठप्प भएको हो।
पर्यटकहरू बोलेरो जीपमार्फत यात्रा गरिरहेका थिए र चार दिनदेखि तस्खीमा अलपत्र छन्। उनीहरू लाप्चा पुगेर पर्वत कैलाश र मानसरोवरको टाढाको दृश्य अवलोकन गर्ने योजनामा थिए।
अक्टोबर ९ र १० का दिन आएको हिमपातले करिब ५,००० मिटर उचाइमा रहेको न्यालु मार्ग पूर्ण रूपमा बन्द गरेको छ। त्यस क्रममा न्यालु तालसम्म ३–४ फिटसम्म हिमपात जमेको बताइएको छ।
अलपत्र पर्यटकमध्ये ८ जना हल्जी गाउँमा एक रात बिताएर हाल हिल्सा तर्फ प्रस्थान गरेका छन्, भने बाँकी १४ जना तस्खीमै फँसेका छन्। हिल्सा जाने समूहले नारा ताल हुँदै सिमकोट फर्कने योजना बनाएको छ।
अधिकारिहरूले बताएअनुसार, लिमीमा राखिएको एक्जाभेभेटर मंगलवारदेखि सडक सफा गर्न प्रयोग गरिने छ र त्यसपछि अलबत्र परेका पर्यटकहरूको उद्धार गरिने छ।
स्थानीय प्रशासनले पर्यटकहरूको सुरक्षा सुनिश्चित गर्न आपतकालीन व्यवस्थापन र उद्धार टोलीहरू सक्रिय रहेको जानकारी दिएको छ।
