त्रिभुवन अन्तरराष्ट्रिय विमानस्थलबाट सुन जस्तो देखिने पहेलो धातुसहित प्रहरीले एक जना भारतीय नागरिकलाई पक्राउ गरेको छ ।
पक्राउ पर्नेमा अन्दाजी ४५ वर्षीय राहदानी नम्बर बि ६६४४९३४ बाहक नर्पतसिंह सोलङ्की रहेका काठमाडौँ उपत्यका प्रहरी कार्यालयले जनाएको छ ।
मंगलबार दिउँसो थाइ लायन एयरको उडान नम्बर एसएल–२२० बाट थाइल्याण्डको बैङ्ककबाट आएका सोलङ्की विमानस्थलको अराइभल भन्सार क्षेत्रमा जाँचपछि टनेल गेटबाट बाहिर निस्किने क्रममा पक्राउ परेका हुन्।
उनको केएमसी अस्पतालमा भिडियो एक्सरे गर्दा मलद्वारमा प्लाष्टिको -याप गरी एउटा डल्ला सुन जस्तो देखिने पहिलो धातु ९० ग्राम फेला पारेको प्रहरीले जनाएको छ।
उक्त सामान मलद्वारबाट निकाल्न लगाई उपत्यका प्रहरी कार्यलयको लेखा शाखामा राखेर उनलाई जिल्ला प्रहरी परीसर काठमाडौँ पठाएको छ।
तिहार बिदापछि उनलाई त्रिभुवन अन्तरराष्ट्रिय विमानस्थल भन्सार कार्यालय सिनामङ्गल बुझाइने छ ।
