डिजिटल माध्यममार्फत ग्राहक ठग्ने घटनाहरू बढिरहेका बेला प्रभु बैंक लिमिटेड ले आफ्नो नाममा भइरहेको नक्कली सर्वेक्षण र अफरहरूबारे चेतावनी (Scam Alert) जारी गरेको छ। बैंकले सामाजिक सञ्जालमार्फत विभिन्न Loyalty Program, Gift Scheme, वा Survey को नाममा गरिएका कुनै पनि प्रस्तावहरूमा आफ्नो कुनै संलग्नता नभएको स्पष्ट गरेको छ।
बैंकका अनुसार, पछिल्ला दिनहरूमा केही व्यक्तिहरूले “Survey पूरा गरेर बोनस पाउनुहोस्” भन्ने प्रलोभन देखाई ग्राहकहरूलाई नक्कली लिंकमा क्लिक गराएर User ID, Password, OTP, वा PIN जस्ता संवेदनशील जानकारी चोरी गर्ने प्रयास गरिरहेका छन्।
ठगीको तरिका
फेसबुक, इन्स्टाग्रामजस्ता सामाजिक सञ्जालहरूमा प्रभु बैंकको लोगो र नाम प्रयोग गरी नक्कली पोस्टहरू बनाइन्छन्। ती पोस्टमा रहेको लिंकमा क्लिक गर्दा प्रयोगकर्ता नक्कली वेबसाइटमा पुग्छन्, जहाँ व्यक्तिगत विवरण मागिन्छ। यस्तो सूचना दिँदा ती विवरण ठगहरूका हातमा पुग्छन् र बैंक खातामा अनधिकृत पहुँच प्राप्त गर्न सकिन्छ।
बैंकका सावधानी सन्देश
प्रभु बैंकले ग्राहकहरूलाई निम्न कुरामा विशेष ध्यान दिन आग्रह गरेको छ–
-
कुनै पनि लिंकमा क्लिक नगर्नुहोस् र आफ्नो व्यक्तिगत विवरण (OTP, PIN, पासवर्ड आदि) कहिल्यै नदिनुहोस्।
-
डिजिटल ठगी (Scam) बाट सचेत रहनुहोस् र हरेक वित्तीय सूचना आधिकारिक स्रोतबाट मात्र पुष्टि गर्नुहोस्।
-
कुनै पनि आशंका वा शंका लागेमा प्रभु बैंकको आधिकारिक सम्पर्क नम्बरहरूमा मात्र सम्पर्क गर्नुहोस्।
आधिकारिक सम्पर्क विवरण
फोन नम्बरहरू:
०१-५१७९०००, ०१-५१७९००२, ०१-५१७९००३, ०१-५१७९००५, ०१-५१७९००८, ०१-५१७९०१८
मोबाइल: ९८०१९१२२२२
टोल–फ्री नम्बर: १६६०–०१–००७९७
