धनुषाको मिथिला बिहारी नगरपालिका–९ का अध्यक्ष विन्देश्वर यादवको हत्याको आरोपमा प्रहरी जवान शम्भु यादव पक्राउ परेका छन्।
भोज खाने विषयमा विवाद हुँदा प्रहरी जवान यादवले वडाध्यक्ष यादवमाथि गोली प्रहार गरेको प्रहरी नायव उपरीक्षक गणेश बमले बताए।
उक्त घटनामा केही व्यक्ति घाइते समेत भएको प्रहरीले जनाएको छ।
घाइतेहरूको प्रादेशिक अस्पताल जनकपुरधाममा उपचार भइरहेको छ।
मृतक यादवको शव परीक्षणका लागि अस्पतामा लगिएको छ।
गोली प्रहार गर्ने यादव धनुषा प्रहरीमा कार्यरत हुन् ।
प्रहरी नायव उपरीक्षक गणेश बमले घटनाबारे अनुसन्धान सुरु भएको जनाएका छन् ।
