साप्ताहिक कारोबारको अन्तिम दिन शुक्रबार नेपाली बजारमा सुनको मूल्य फेरि वृद्धि भएको छ। नेपाल सुनचाँदी व्यवसायी महासंघका अनुसार हिजो प्रति तोला ७०० रुपैयाँले बढेको सुन आज थप ३०० रुपैयाँले महँगिएको हो।
आज छापावाल सुनको मुल्य प्रति तोला २ लाख ४३ हजार ३०० रुपैयाँ निर्धारण गरिएको छ। हिजो यही सुन २ लाख ४३ हजार रुपैयाँमा कारोबार भएको थियो। लगातार दुई दिनको वृद्धि पछि सुनको मूल्य नयाँ उचाईतर्फ उक्लिएको महासंघले जनाएको छ।
यता चाँदीको मूल्य भने आज कुनै परिवर्तन भएको छैन। चाँदी हिजोकै दरमा, अर्थात् प्रति तोला ३ हजार १८५ रुपैयाँमा स्थिर छ।
