अमेरिकी मेजर लिग सॉकर (MLS) मा लियोनेल मेसी दुई वर्ष लामो प्रतिक्षापछि MLS कपको फाइनलमा पुग्न सफल भएका छन्। उनले नेतृत्व गरेको इन्टर मियामी टोलीले पूर्वी सम्मेलनको फाइनलमा न्यू योर्क सिटी FC (NYCFC) लाई ५–१ गोल अन्तरले पराजित गर्दै ऐतिहासिक उपलब्धि हासिल गरेको हो।
यो जितमा मेसीले प्रत्यक्ष गोल न गरे पनि उनका सहकर्मीहरू उत्कृष्ट प्रदर्शन गरे। विशेष गरी अर्जेन्टिनाका ताडेओ एलेंदे ले पहिलो हाफमा दुई गोल गर्दै टोलीलाई पूर्ण नियन्त्रण दिलाए। दोस्रो हाफमा उनले ह्याट्रिक पूरा गर्दै MLS पोस्टसिजनमा सबैभन्दा धेरै गोल गर्ने रेकर्डसँग बराबरी गरेका छन्।
खेलको संक्षिप्त झलक
-
NYCFC ले सुरुका १० मिनेट राम्रो प्रदर्शन गरेको थियो।
-
पहिलो गोल: एलेंदेले १४ औँ मिनेटमा २५ यार्डको पासमा गोल गर्दै Miami लाई १–० अग्रता दिलाए।
-
दोस्रो गोल: २२ औँ मिनेटमा लामो पासमा हेड गर्दै एलेंदेले Miami लाई २–० बनाउँदै पूर्ण नियन्त्रणमा ल्याए।
-
NYCFC ले ३७ औँ मिनेटमा Justin Haak को गोलले १–२ को अन्तर घटायो।
-
दोस्रो हाफमा, मेसीले Mateo Silvetti लाई असिस्ट गर्दै चौथो गोल गराए।
-
Jordi Alba को ब्याकहिल पासबाट Telasco Segovia ले पाँचौ गोल पूरा गरे।
-
अन्तिम गोल: एलेंदेको ह्याट्रिकले Miami को चार गोल अग्रता पुन:स्थापित गर्यो।
यस जितसँगै इन्टर मियामीले MLS कपको फाइनल आयोजना गर्ने अधिकार सुरक्षित गरेको छ। उनीहरूले कुल ६५ अंकसहित भ्यानकुभर व्हाइटक्याप्स र स्यान डिएगो FC लाई पछि पारेका छन्।
