बुटवल, नेपालमा हायात ब्रान्डको तेस्रो होटलका रूपमा रुपन्देहीको बुटवलमा ‘हायात प्लेस बुटवल’ को औपचारिक उद्घाटन गरिएको छ। पाहुनाहरू तथा ‘वर्ल्ड अफ हायात’ का सदस्यहरूका लागि महत्वपूर्ण मानिने बजारहरूमा विश्वव्यापी उपस्थिति विस्तार गर्ने क्रममा हायात प्लेस ब्रान्डले यो नयाँ होटल सञ्चालनमा ल्याएको हो।
यस होटलमा हायात प्लेसको मौलिक डिजाइन, अनौपचारिक र आरामदायी वातावरण, निःशुल्क वाइ–फाइ तथा २४ सै घण्टा उपलब्ध हुने खानाका परिकारजस्ता व्यावहारिक सुविधाहरू समावेश गरिएका छन्। हायात प्लेस बुटवललाई व्यापारिक र फुर्सदका यात्रुहरूको विविध आवश्यकतालाई ध्यानमा राखी तयार पारिएको छ, जहाँ आराम र काम बीचको सन्तुलन सहज रूपमा पाउन सकिन्छ।
हायातले आफूलाई पाहुनाप्रति समर्पित ब्रान्डका रूपमा प्रस्तुत गर्दै आएका कारण हायात प्लेस होटलहरूले २४ सै घण्टा उपलब्ध सेवाहरूको संयोजनमार्फत आधुनिक व्यस्त यात्रुहरूलाई सहज अनुभव प्रदान गर्छन्। होटलमा किङ र ट्विन कोठाहरू, फरेस्ट भ्यू र हिल भ्यू विकल्पहरू सहित ३०० देखि ७७५ वर्ग फिट (२८ देखि ७२ वर्ग मिटर) सम्मका विभिन्न श्रेणीका कोठा तथा फराकिला सुइट उपलब्ध छन्।
यस होटलको मुख्य आकर्षण १,५६० वर्ग फिट (१४५ वर्ग मिटर) क्षेत्रमा फैलिएको ‘प्रेसिडेन्सियल सुइट’ हो, जसले विशिष्ट पाहुनालाई उच्चस्तरीय अनुभव प्रदान गर्छ। यस्तै, हायात प्लेस बुटवलमा १५० जनासम्म अटाउने ग्रान्ड बलरुम सहितका मिटिङ तथा कार्यक्रम स्थलहरू पनि रहेको छ।
हायात प्लेस बुटवलका महाप्रबन्धक तुषार नगर भन्छन “हामी हाम्रा पाहुनाहरूको अपेक्षाभन्दा माथि उठेर उत्कृष्ट आतिथ्य अनुभव प्रदान गर्न प्रतिबद्ध छौँ। विशेष रूपमा डिजाइन गरिएका कोठाहरू, विविध खानपानका विकल्प र फराकिला कार्यक्रम स्थलहरूले हामी व्यापारिक र फुर्सदका दुवै प्रकारका यात्रुहरूको लागि आदर्श गन्तव्य बनेका छौँ। पाहुनाहरू कामका निम्ति, विश्रामका लागि, सम्मेलनमा सहभागी हुन वा विशेष अवसर मनाउन आउनु भएको होस्, हामी प्रत्येक क्षण आराम र सुविधाको मिलन हुने वातावरण प्रदान गर्न प्रयासरत छौँ। हाम्रो समर्पित टोलीले व्यक्तिगत सेवा प्रदान गरी हरेक बसाइलाई यादगार बनाउन तत्पर छ, जसले बुटवलको मुटुमा हाम्रो पहिचानलाई अझ मजबुत बनाउनेछ।”
हायात प्लेस बुटवलको नेतृत्व महाप्रबन्धक तुषार नगर तथा बिक्री निर्देशक पार्थ ब्यानर्जीले सम्हालेका छन् । महाप्रबन्धक नगरले होटलको दैनिक सञ्चालन, कर्मचारीहरूको समन्वय तथा पाहुनाले हायात प्लेस ब्रान्डअनुसारको सेवा प्राप्त गरून् भन्ने सुनिश्चित गर्ने जिम्मेवारी वहन गर्छन।
त्यसैगरी, बिक्री निर्देशक ब्यानर्जीले बुटवल क्षेत्रमा आउने यात्रु तथा कार्यक्रम आयोजना गर्ने समूहहरूसँग समन्वय गरी आवश्यक बिक्री तथा सहयोग कार्यहरू सम्हाल्छन।
थप जानकारीका लागि कृपया hyattplacebutwal.com मा जान सकिन्छ।
