निर्माण क्षेत्र सुस्त भइरहेको अवस्थामा पनि ब्रिज सिमेन्टले पछिल्लो वर्ष दोहोरो अंकमा व्यापार वृद्धि गर्न सफल भएको छ। इक्रा नेपालले सार्वजनिक गरेको ताजा तथ्यांक अनुसार कम्पनीले सन् २०२5 मा १ अर्ब ९८ करोड ५ लाख रुपैयाँ बराबरको कारोबार गरेको छ, जुन अघिल्लो वर्षको तुलनामा १५.०७ प्रतिशत बढी हो।
गत वर्ष सन् २०२४ मा कम्पनीले १ अर्ब ७२ करोड ५० लाख रुपैयाँ बराबरको सिमेन्ट बिक्री गरेको थियो।
लगातार तीन वर्षसम्म स्थिर–मजबुत कारोबार
ब्रिज सिमेन्टले विगत तीन वर्षमा पनि उल्लेखनीय व्यापार गरेको तथ्यांकले देखाउँछ।
-
सन् २०२३: २ अर्ब १२ करोड २० लाख रुपैयाँ
-
सन् २०२२: २ अर्ब ४९ करोड ९० लाख रुपैयाँ
-
सन् २०२5: १ अर्ब ९८ करोड ५ लाख रुपैयाँ
हाल निर्माण उद्योगमा माग घट्दो छँदै पनि कम्पनीले बजार उपस्थितिलाई मजबुत राख्न सफल भएको उद्योग विश्लेषकहरूको भनाइ छ।
२००२ मा स्थापना, दैनिक १२०० टन ग्राइन्डिङ क्षमता
ब्रिज सिमेन्ट सन् २००२ मा स्थापना भएको हो। कम्पनीको ग्राइन्डिङ क्षमता अहिले दैनिक १,२०० टन रहेको छ।
स्वामित्व संरचना:
-
केडिया अर्गनाइजेशन – ५०%
-
शान्त सिमेन्ट (भारत) – ५०%
रुपन्देहीको गोनाहामा कारखाना, ८ वटा ब्रान्डमार्फत बिक्री
कम्पनीको उत्पादन केन्द्र रुपन्देहीको गोनाहा क्षेत्रमा रहेको छ। बजारमा कम्पनीले—
-
२ प्रकारका ओपीसी,
-
५ प्रकारका पीपीसी,
-
१ पीएसजी
ब्रान्डमार्फत सिमेन्ट उत्पादन तथा वितरण गर्दै आएको छ।
क्लिङ्कर उत्पादन पनि, तर ५०% बाहिरबाट आपूर्ति
ग्राइन्डिङ सिमेन्टसँगै कम्पनीले क्लिङ्कर पनि उत्पादन गरिरहेको छ। तर गत आवमा आवश्यक परिमाणमध्ये करीब ५०% क्लिङ्कर बाह्य स्रोतबाट खरिद गरिएको कम्पनीले जनाएको छ।देशमै क्लिङ्कर उत्पादन क्षमता पर्याप्त नहुने र मूल्य अस्थिरताका कारण यस्तो निर्भरता बढेको उद्योग विश्लेषकहरूले बताउँदै आएका छन्।
८९ करोड ५० लाख कर्जा रेटिङ, दीर्घ र अल्पकालीन दुवै कर्जा परिचालन
ब्रिज सिमेन्टले ८९ करोड ५० लाख रुपैयाँ बराबरको कर्जा रेटिङ गराएको छ।
यसमा—
-
२८ करोड ५४ लाख दीर्घकालीन कर्जा
-
६० करोड ९९ लाख अल्पकालीन कर्जा
समावेश छ।
