नेकपा एमालेको ११ औँ महाधिवेशनमा भोलि बिहान ८ बजेदेखि मात्रै मतदान हुने भएको छ।
अध्यक्षका उम्मेदवार केपी शर्मा ओली र ईश्वर पोखरेलबीच छलफल भएपछि बेलुका गर्ने भनिएको मतदान सरेको महासचिव शंकर पोखरेलले महाधिवेशन प्रतिनिधिलाई जानकारी गराएका हुन्।
एमाले महाधिवेशनमा ११ केन्द्रीय सदस्य सर्वसम्मत
आज बिहानदेखि सुरु हुने भनिएको मतदान पटक पटक सारिएको थियो।
मतदानमा विद्युतीय मेसिन प्रयोग गरिने छ।
एमालेको २ हजार २ सय ६३ प्रतिनिधि रहेका छन्।
एकजना प्रतिनिधिलाई मतदान गर्न समय लाग्ने भएकाले धेरै लामो समयसम्म मतदान हुने आकलन गरिएको छ ।
