पर्सा जिल्ला प्रशासन कार्यालयले वीरगञ्ज महानगर क्षेत्रका केही संवेदनशील स्थानमा कर्फ्यू समय आज बिहान ८ बजेबाट दिउँसो १ बजे सम्म बढाएको छ।
सोमबार दिउँसो ६ बजेबाट आज बिहान ८ बजे सम्म लागू गरिएको कर्फ्यू अब थप ५ घण्टा विस्तार गरिएको जिल्ला प्रमुख भोला दाहालले जानकारी दिएका छन्। प्रशासनका अनुसार दुई जातीय समुदायबीच उत्पन्न हुन सक्ने सम्भावित विवादलाई मध्यनजर गर्दै कर्फ्यू आदेश जारी गरिएको हो।
कर्फ्यू अवधिभर आवश्यक सेवाका सवारीसाधनलाई सञ्चालन अनुमति दिइनेछ। साथै, जनता आफ्नो घरबाहिर निस्किनुपर्ने अवस्थामा सुरक्षा निकायहरूसँग सहकार्य गर्न प्रशासनले अनुरोध गरेको छ।
कर्फ्यू क्षेत्र अन्तर्गत बसपार्क (पूर्व), सिर्सियापुल (पश्चिम), पावरहाउस चौक (उत्तर) र शङ्कराचार्य गेट (दक्षिण) क्षेत्रमा भेला, र्याली वा प्रदर्शन गर्न निषेध गरिएको छ।
