टीभीएस मोटर कम्पनीले नेपालमा पहिलोपटक TVS Apache Racing Experience (ARE GP) को सफल संस्करण सम्पन्न गरेको छ। यस कार्यक्रमले TVS Apache सिरिजका २० वर्षको उत्सव मनाउँदै स्थानीय राइडरहरूलाई व्यावसायिक रेसिङको अनुभव दिन महत्वपूर्ण अवसर प्रदान गरेको छ।
नेपालको पहिलो छनोट राउन्ड साटुङलको भेहिकल एकेडेमी एण्ड रिसर्च सेन्टरमा सम्पन्न भएको थियो। ६० भन्दा बढी सहभागी र ३०० भन्दा बढी अवलोकनकर्ताले कार्यक्रममा भाग लिएका थिए। प्रतियोगितामा सहभागीहरूले TVS Racing च्याम्पियनबाट प्रशिक्षण र मार्गदर्शन पाएका थिए।
प्रतियोगितामा १६०cc, २००cc र ३१०cc गरी तीनवटा वर्ग राखिएको थियो। १६०cc वर्गमा सुजन थापा मगर विजेता भए भने विवेक पाण्डे १औं रनर अप र प्रशान्त सुतिहार २औं रनर अप भए। २००cc वर्गमा अभिनव राज मल्ल विजेता, निमेष ठकुरी १औं रनर अप र मिलन छुष्याबग २औं रनर अप भए। ३१०cc वर्गमा दिलीप दनुवार विजेता भए भने रामबिक्रम थापा १औं रनर अप र श्रितेश थापा २औं रनर अप घोषित भए।
विजेताहरूले अप्रिल २०२६ मा भारतको चेन्नईस्थित म्याड्रास अन्तर्राष्ट्रिय सर्किट (MIC) मा हुने ARE GP ग्रान्ड फिनालेमा प्रतिस्पर्धा गर्ने अवसर पाउनेछन्। साथै, प्रत्येक विजेतालाई २५ हजार रुपैयाँ नगद पुरस्कार र विशेष TVS मोटर राइडिङ गियर प्रदान गरिएको छ।
टीभीएस मोटर कम्पनीका हेड–प्रिमियम बिजनेस, विमल सुम्ब्लीले कार्यक्रममा भने, “TVS Apache का २० वर्ष पूरा गर्दै ARE GP को अन्तर्राष्ट्रिय विस्तार हामीले नयाँ मानक स्थापना गर्ने उद्देश्य हो। नेपालमा मोटरसाइकल उत्साहीको समुदाय बढ्दै गएको छ, जसले यस प्लेटफर्मलाई उपयुक्त बनाएको छ।”
जगदम्बा मोटर्सका प्रबन्ध निर्देशक शाहिल अग्रवालले भने, “यो रेसिङ प्लेटफर्मले युवा प्रतिभालाई व्यावसायिक रूप दिन मद्दत पुर्याउनेछ। प्रतियोगिताले स्थानीय प्रतिभा र व्यवसायिक डिलरसँगै राइडर, उत्साही र समुदायलाई एकसाथ ल्याउनेछ।”
कार्यक्रममा ह्वीलि र्याम्प, स्टन्ट शो, जिमखाना सेसन जस्ता गतिविधिहरू आयोजना गरियो र २०० भन्दा बढी दर्शकले सहभागी भएर मनोरञ्जनात्मक अनुभव पाएका थिए।
टीभीएस रेसिङले चार दशकभन्दा लामो रेसिङ अनुभवमा ३,००० भन्दा बढी राइडरलाई प्रशिक्षण दिएको छ। यस कार्यक्रमले नेपालका स्थानीय राइडरहरूलाई अन्तर्राष्ट्रिय स्तरमा प्रतिस्पर्धा गर्ने अवसर प्रदान गर्दै मोटरसाइकल रेसिङ संस्कृति प्रवर्द्धन गर्ने विश्वास व्यक्त गरिएको छ।
