काठमाडौँ — स्वतन्त्र ऊर्जा उत्पादकहरुको संस्था, नेपाल (इप्पान) का अध्यक्ष गणेश कार्कीले विद्युत् उत्पादन बढ्दै गए पनि त्यसको खपत र व्यापार योजना राज्यसँग नभएको बताएका छन्।
नेपाल आर्थिक पत्रकार संघले आइतबार काठमाडौंमा आयोजना गरेको ‘दलका घोषणापत्रमा आर्थिक एजेन्डा’ कार्यक्रममा अध्यक्ष कार्कीले सुझाव दिँदै भने कि उत्पादित विद्युत् निजी क्षेत्र मार्फत निर्यात गर्न र व्यापार गर्न दिनुपर्ने आवश्यकता छ।
उनले भने,
“विद्युत् उत्पादन मात्र गरेर हुँदैन, खपतका योजना चाहिन्छ। निजी क्षेत्रले उत्पादन गरेको विद्युत् नेपाल विद्युत् किनिदिने व्यवस्था गर्नुपर्छ, नत्र लाइसेन्स फिर्ता दिने व्यवस्था गर्नुपर्छ। निजी क्षेत्रलाई विद्युत् व्यापार गर्न दिनुपर्छ र सुरक्षाका लागि नीति बनाउनुपर्छ।”
कार्कीको भनाइ अनुसार दलहरूले आफ्ना घोषणापत्रमा विद्युत् निर्यात, खपत र व्यापार सम्बन्धी नीति सुधार गर्ने वाचा गर्नु र कार्यान्वयनमा जोड दिनु आवश्यक छ।
यो पहलले नेपालमा विद्युत् उत्पादन र व्यापारको समन्वय बलियो बनाउने अपेक्षा गरिएको छ।
