काठमाडौं । हिमालयन बैंक लिमिटेडले आफ्ना संस्थापक शेयरधनीका नाममा रहेको कुल १२ लाख ८२ हजार ५८८ कित्ता संस्थापक शेयर बिक्रीमा ल्याएको छ।
बैंकले जारी गरेको सूचना अनुसार, यस शेयर खरिदको प्राथमिकता हाल कायम रहेका संस्थापक शेयरधनीलाई दिइएको छ। इच्छुक संस्थापक शेयरधनीहरूले सूचना प्रकाशित मितिबाट ३५ दिनभित्र आवश्यक कागजातसहित काठमाडौंको कमलादीस्थित बैंकको कानुन विभागमा आवेदन दिन सक्नेछन्।
यदि तय म्यादभित्र हालका संस्थापक शेयरधनीहरूले शेयर नकिने खण्डमा, बाँकी शेयर अन्य सर्वसाधारण वा अन्य संस्थाका लागि बिक्री प्रक्रियामा राखिने बैंकले जनाएको छ।
बैंकले संस्थापक शेयर बिक्री मार्फत शेयरधनीलाई लगानीको अवसर प्रदान गर्दै बैंकको वित्तीय संरचना बलियो बनाउने उद्देश्य राखेको छ।
