काठमाडाैं । एपोलो हाइड्रोपावर लिमिटेडले आउँदो फागुन ११ गतेदेखि प्राथमिक शेयर (आईपीओ) निष्काशन गर्ने भएको छ। कम्पनीले आयोजना प्रभावित क्षेत्रका स्थानिय बासिन्दा र वैदेशिक रोजगारीमा रहेका नेपालीहरूका लागि आईपीओ निष्काशन गर्न लागेको हो।
कम्पनीले आफ्नो जारी पूँजी ५७ करोड रुपैयाँको ३० प्रतिशत, अर्थात् १४ करोड १० लाख रुपैयाँ बराबरको १४ लाख १० हजार कित्ता शेयर निष्काशन गर्ने अनुमति पाएको थियो।
यसमा ४ करोड ७० लाख रुपैयाँ बराबरको ४ लाख ७० हजार कित्ता साधारण शेयर आयोजना प्रभावित क्षेत्रका स्थानिय बासिन्दाहरूका लागि छुट्याइएको छ। बाँडफाँट यसरी हुने छ:
-
उच्च प्रभावित क्षेत्र: ओखलढुङ्गा जिल्ला खिजिदेम्बा गाउँपालिका वडा नं. ७ र ८ का स्थानिय बासिन्दा — २ लाख ३५ हजार कित्ता
-
मध्यम प्रभावित क्षेत्र: सोलुखुम्बु जिल्ला लिखुपिके गाउँपालिका वडा नं. २ र रामेछाप जिल्ला उमाकुण्ड गाउँपालिका वडा नं. ३ — १ लाख ४१ हजार कित्ता
-
न्यून प्रभावित क्षेत्र: रामेछाप जिल्ला उमाकुण्ड गाउँपालिका वडा नं. २ र गोकुलगंगा गाउँपालिका वडा नं. १ — ९४ हजार कित्ता
त्यसैगरी, सर्वसाधारण लगानीकर्ताहरूका लागि छुट्याइएको शेयरको १० प्रतिशत, अर्थात् ९ लाख ४० हजार रुपैयाँ बराबरको ९४ हजार कित्ता प्रतिशेयर १०० रुपैयाँ अंकित दरमा, विदेशमा रोजगार गरी रहेका नेपालीहरूका लागि नेपाल सरकारको सम्बन्धित निकायबाट श्रम स्वीकृती प्राप्त गरी निष्काशन गरिनेछ।
आईपीओ आवेदनका नियमहरू यस प्रकार छन्:
-
न्यूनतम आवेदन: १० कित्ता
-
स्थानिय बासिन्दा: अधिकतम ४७ हजार कित्ता
-
वैदेशिक रोजगारीमा रहेका नेपाली: अधिकतम ९४ हजार कित्ता
आईपीओ बन्द मिति यस प्रकार छ:
-
आयोजना प्रभावित क्षेत्रका स्थानिय बासिन्दा: छिटोमा फागुन २५ गते, ढिलोमा चैत १० गते
-
वैदेशिक रोजगारीमा रहेका नेपाली: छिटोमा फागुन १४ गते, ढिलोमा फागुन २५ गते
यस आईपीओले ऊर्जा क्षेत्रमा लगानीको अवसर प्रदान गर्ने मात्र नभई आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूलाई पनि लाभ पुग्ने अपेक्षा गरिएको छ।
