प्रेम सोनी सुनारले निर्माण गरेको नेपाली कथानक चलचित्र ‘गुरुआमा’ को औपचारिक प्रदर्शन मिति घोषणा गरिएको छ । निर्माण पक्षले सामाजिक सञ्जाल फेसबुकमा चलचित्रको एक पोष्टर सार्वजनिक गर्दै प्रदर्शन मिति घोषणा गरेको हो ।
शिक्षक पेशाको गरिमा, त्याग र समाज निर्माणमा उनीहरूको भूमिकालाई केन्द्रमा राखेर निर्माण गरिएको यस चलचित्र वैदेशाख २०८३ वैशाख २५ गतेदेखि देशभर प्रदर्शनमा आउने भएको हो ।
नयाँ वर्ष २०८३ को अवसर पारेर चलचित्रको प्रदर्शन मिति तोकिएको निर्माता तथा निर्देशक सुनारले जानकारी दिए ।ब्म्द्यी बमज्द्यी बमन्यिदब िब्म् लभधक अयलतभलत
सोनी फिल्मस प्रा.लिको ब्यानरमा निर्माण भएको चलचित्रमा कथा तथा निर्देशन प्रेम सोनी सुनारले नै सम्हालेका छन् । उनले नेपाली समाजमा शिक्षकले खेलेको अदृश्य तर अत्यन्त महत्वपूर्ण भूमिकालाई कलात्मक ढंगले पर्दामा उतार्ने प्रयास गरेको बताएका छन् । निर्माता सुनारले भने ‘यो चलचित्र केवल मनोरञ्जनका लागि निर्माण गरिएको होईन, विद्यार्थी, शिक्षक, अभिभावक र समाजिक जीवनको महत्वपूर्ण पाठ हो ।’
चलचित्रमा मिथिला शर्मा, वुद्धि तामाङ, प्रेम सोनी सुनार, सुशिल पोखरेल, धुर्व कोईराला र टिका सानुको मुख्य भूमिका छ । अतिथि कलाकारका रूपमा गौरी मल्ल र पूजा शर्माको विशेष उपस्थिति छ, जसले कथालाई थप मजबुत बनाउने अपेक्षा गरिएको छ ।
चलचित्रमा उत्तम केसी, राधिका हमाल, बालचन्द्र बराल, गिरीप्रसाद पुन, उषा कार्की, पदम थापा, केपी बागदश, टंक मरासीनी, जस्मिन मगर, सदिक्षा शर्मा, आदर्श गहतराज, अर्नब घिमिरे, सफल पौडेल, विश्वास नेपाल, कमला परियारको अभिनय छ ।
निर्माण पक्षका अनुसार चलचित्रले शिक्षक–विद्यार्थी सम्बन्ध, त्याग, संघर्ष र सम्मानका कथाहरूलाई मार्मिक ढंगले प्रस्तुत गर्नेछ ।
शिक्षा क्षेत्रसँग प्रत्यक्ष सरोकार राख्ने विषयवस्तु, अनुभवी कलाकारको सहभागिता र सशक्त सन्देशका कारण ‘गुरुआमा’ अहिले नै दर्शकमाझ प्रतिक्षित चलचित्रका रूपमा हेरिएको छ ।
भिडियो रील्सको लागि
नेपाली चलचित्र ‘गुरुआमा’ को प्रदर्शन मिति घोषणा भएको छ।
यो फिल्म आगामी २०८३ साल वैशाख २५ गतेदेखि देशभर प्रदर्शनमा आउनेछ ।
शिक्षक पेशाको गरिमा, त्याग र समाज निर्माणमा उनीहरूको महत्वपूर्ण भूमिकालाई केन्द्रमा राखेर निर्माण गरिएको यो चलचित्र प्रेम सोनी सुनारको कथा तथा निर्देशनमा तयार भएको हो ।
फिल्ममा मिथिला शर्मा, बुद्धि तामाङ, सुशील पोखरेल, प्रेम सोनी सुनार लगायतका कलाकारहरूको अभिनय देख्न पाइनेछ भने गौरी मल्ल र पूजा शर्माको विशेष उपस्थिति रहेको छ ।
नयाँ वर्षको अवसरमा आउँदै गरेको ‘गुरुआमा’ अहिले नै दर्शकमाझ प्रतिक्षित बनेको छ। वैशाख २५ गतेदेखि नजिकैको सिनेमा हलमा हेर्न नबिर्सनु होला ।
