काठमाडौं । होटल फरेष्ट इन लिमिटेड ले सर्वसाधारणका लागि निष्काशन गरेको साधारण शेयर (आईपीओ) आज सोमबार बाँडफाँड गरेको छ। कम्पनीले माघ २२ गतेदेखि माघ २६ गतेसम्म बिक्री खुला गरेको आईपीओको बाँडफाँड आज सम्पन्न भएको हो।
कम्पनीले सर्वसाधारणका लागि कुल ३३ लाख २० हजार कित्ता शेयर निष्काशन गरेको थियो। उक्त आईपीओमा २३ लाख ७१ हजार ३१५ जना आवेदकबाट २ करोड ५७ लाख ४५ हजार ७०० कित्ताका लागि आवेदन परेको थियो, जसले लगानीकर्ताको उल्लेखनीय चासो देखाएको छ।
बाँडफाँड नतिजाअनुसार ३ लाख ३२ हजार आवेदकले १०/१० कित्ताका दरले शेयर प्राप्त गरेका छन्। बाँकी आवेदकहरू भने गोलाप्रथाबाट बाहिर परेका छन्।
कम्पनीको आईपीओ बिक्री प्रबन्धकको जिम्मेवारी एनआईसी एशिया क्यापिटल लिमिटेड ले निर्वाह गरेको हो। आईपीओ बाँडफाँडसँगै अब कम्पनीको शेयर सूचीकरण प्रक्रिया अगाडि बढ्ने अपेक्षा गरिएको छ।
