काठमाडौं । ज्योति विकास बैंक लिमिटेड ले आफ्नो वार्षिक साधारण सभा आह्वान गरेको छ। बैंकको फागुन ५ गते बसेको सञ्चालक समितिको बैठकले फागुन २८ गते साधारण सभा आयोजना गर्ने निर्णय गरेको हो।
बैंकको १८औँ वार्षिक साधारण सभा काठमाडौंको नक्सालस्थित लिसारा रिसेप्सन मा बिहान ११ बजे बस्नेछ। सभामा बैंकको वार्षिक प्रगति, वित्तीय अवस्था तथा अन्य नियमित प्रस्तावहरूमाथि छलफल हुने जनाइएको छ। यस पटक भने सभामा लाभांश वितरणसम्बन्धी कुनै प्रस्ताव समावेश गरिएको छैन।
साधारण सभाका लागि बैंकले फागुन १४ गते एक दिनका लागि बुक क्लोज गर्ने निर्णय गरेको छ। बुक क्लोजका आधारमा शेयरधनीहरूले सभामा सहभागिता जनाउन सक्नेछन्।
बैंकले समयमै साधारण सभा आयोजना गरेर संस्थागत सुशासन र पारदर्शितालाई निरन्तरता दिने उद्देश्य राखेको जनाएको छ।
