वर्षासँगै काठमाडौँ उपत्यकामा वायु प्रदूषण उल्लेखनीय रूपमा घटेको छ।
एयर क्वालिटी इन्डेक्स (एक्यूआई) को तथ्याङ्क विश्लेषण गर्दा सात दिनअघि मात्र वायु प्रदूषण १७८ एक्यूआई पुगेर काठमाडौँ विश्वकै दोस्रो प्रदूषित शहरको सूचीमा थियो।
आइतबार भने वायु प्रदूषण घटेर ६० एक्यूआईमा झरेको छ। योसँगै काठमाडौँ विश्वका प्रदूषित सहरको सूचीमा ६७औँ स्थानमा छ।
एक्यूआई मापदण्डअनुसार ० देखि ५० सम्म ‘राम्रो’ मानिन्छ भने ५१ देखि १०० सम्म ‘सचेत रहनुपर्ने’ श्रेणीमा पर्छ।
एक सय एकदेखि १५० ‘अस्वस्थ’ मानिन्छ, जसले विशेष गरी श्वासप्रश्वास तथा मुटुरोगीलाई असर गर्नसक्छ।
यस्तै १५१ देखि २०० ‘सबैका लागि अस्वस्थ’, २०१ देखि ३०० ‘धेरै अस्वस्थ’ र ३०० भन्दा माथि ‘अत्यन्त खतरनाक’ मानिन्छ।
वातावरण विभागका अनुसार शुक्रबार र शनिबार हावाहुरीसहित परेको वर्षाका कारण वायु प्रदूषण घटेको हो ।
वर्षाले हावामा रहेका धुलो तथा प्रदूषणका कणलाई जमिनमा झार्न मद्दत गर्छ भने हावाहुरीले ती कणलाई उडाएर अन्यत्र लैजाने हुँदा प्रदूषण कम हुन्छ।
ुयदि लामो समयसम्म वर्षा भएन र मौसम सुक्खा रह्यो भने वायुमण्डलमा धुलोका कण थुप्रिँदै जान्छन्ु, ।, ुकाठमाडौँ कचौरा आकारको सहर भएकाले प्रदूषण सजिलै बाहिर निस्कन सक्दैन।ु
