काठमाडौं । पदभारग्रहण कार्यक्रममा नवनिर्वाचित मन्त्रीहरूले पहिलो निर्णयमा हस्ताक्षर नगर्ने घोषणा गरेका छन्।
शुक्रबार शितलनिवासमा आयोजित औपचारिक कार्यक्रममा प्रधानमन्त्रीसँगै पद तथा गोपनीयताको सपथ लिएका मन्त्रीहरूले तत्काल कुनै नीतिगत निर्णयमा हस्ताक्षर नगर्ने जनाएका हुन् ।
भौतिक पूर्वाधार तथा यातायात मन्त्री सुनिल लम्सालका अनुसार सबै मन्त्रीले आफ्नो मन्त्रालयको ब्रिफिङ लिएर मन्त्रिपरिषद्को बैठक बसेपछि मात्रै निर्णय सार्वजनिक गरिने छ ।
‘पहिला सबै मन्त्रालय र मातहतका निकायबाट हरेक मन्त्रीले ब्रिफिङ लिएर त्यसपछि प्रधानमन्त्री तथा मन्त्रिपरिषद्को बैठकबाट मात्र निर्णय लिने र सार्वजनिक गर्नेछौं ।’
