बीपी राजमार्गमा पर्ने काभ्रेको माम्ती खोलामा खसेको पहिरो हटाएपछि आज बिहान अहिलेदेखि गाडी चल्न थालेका छन्।
आइतबार राति साढे १० बजेतिर वर्षासँगै आएको भेलले सडक कटान गर्दा रोसी गाउँपालिका -११ माम्तीमा रातभर सवारी साधन अवरुद्ध भएका थिए।
बाढीले कटान गर्दा अवरुद्ध बनेको सडक २ वटा जेसीभीको सहायतामा मर्मत गरेपछि आज बिहानबाट गाडी चल्न थालेका जिल्ला प्रहरी कार्यालय काभ्रेले जनाएको छ।
माम्तीमा अहिले दुईतर्फी नै गाडीहरू चलिरहेका छन्।
त्यसैगरि रोसी गाउँपालिका -९ पिन्थली, रोसी -९ कै बिरुवाडाँडा र कालढुङगामा पनि पहिरो खसेर अवरुद्ध भएको बीपी राजमार्गमा गाडीहरु चल्न थालेका प्रहरीले जनाएको छ।
जेसीभीको सहायतमा तीनै ठाउँको पहिरो हटाएपछि गाडी चल्न थालेका हुन्।
