नेपाल प्रहरीका ११ जना प्रहरी नायव उपरीक्षक (एसपी)हरुलाई वरिष्ठ प्रहरी उपरीक्षक (एसएसपी)मा र ११ जना प्रहरी निरीक्षक (डिएसपी)लाई प्रहरी उपरीक्षक (एसपी)मा बढुवा सिफारिस गरिएको छ। गृह मन्त्रालयमा सोमबार बसेको बढुवा समितिको बैठकले सम्बन्धित पदमा कार्यरत अधिकृतहरूको योग्यता, कार्यसम्पादन मूल्याङ्कन र सेवा अवधि हेरी सिफारिस गरेको हो।
एसएसपीमा बढुवा सिफारिस भएका अधिकृतहरूमा गण्डकी प्रदेश प्रहरी कार्यालय पोखराका तुलबहादुर कार्की, कोशी प्रदेश प्रहरी कार्यालयका रमेश सिंह, कर्णाली प्रदेश प्रहरी कार्यालय सुर्खेतका राजीव बहादुर बस्नेत, र नेपाल प्रहरी मुख्यालय नक्सालका कमल थापा रहेका छन्। यस्तै, काठमाडौं उपत्यका अपराध अनुसन्धान कार्यालयका प्रवीण भण्डारी, अपराध अनुसन्धान महाशाखा काठमाडौंका रमेशराम थापा, सेवा प्रशासन शाखाका अनिल प्रसाद उप्रेती र कोशी प्रदेश प्रहरी कार्यालय विराटनगरका विपिन पौडेल पनि बढुवा सिफारिसमा परेका छन्।
त्यस्तै, नेपाल प्रहरी कार्यालय सामाखुसीका दयानिधि बास्तोला, जिल्ला प्रहरी कार्यालय डडेलधुराका सिद्धराज शाही र जिल्ला प्रहरी कार्यालय बर्दियाका केदार खनाल समेत एसएसपीमा सिफारिस भएका हुन्।
यसैगरी, डिएसपीबाट एसपीमा बढुवा सिफारिस हुनेमा अनिल खड्का, महेश थापा, दिपेन्द्र पञ्जियार थारु, महेन्द्र नेपाल, रुपक खड्का, प्रेम सागर केसी, दिल बहादुर मल्ल, केशव भट्टराई, भुवनेश्वर प्रसाद साह, सुनिल मल्ल र दीपक खड्का रहेका छन्।
गृह मन्त्रालयका एक अधिकारीका अनुसार बढुवा प्रक्रिया कार्यसम्पादनमा आधारित पारदर्शी मूल्याङ्कन प्रणालीमार्फत सम्पन्न गरिएको हो। बढुवा सिफारिस भएको नामावली अब मन्त्रिपरिषद्मा पेश गरिने छ र औपचारिक निर्णयपछि कार्यान्वयनमा ल्याइनेछ।
