शुक्रबार नेपाली बजारमा सुन र चाँदी दुबैको मूल्यमा गिरावट आएको छ। बिहीबार प्रतितोला १०० रुपैयाँले बढेको सुनको मूल्य आज ६०० रुपैयाँले घटेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९६ हजार २०० रुपैयाँमा कारोबार भइरहेको छ। हिजो यसको मूल्य १ लाख ९६ हजार ८०० रुपैयाँ थियो।
चाँदीको मूल्यमा पनि गिरावट आएको छ। हिजो प्रतितोला २ हजार ३४० रुपैयाँमा कारोबार भएको चाँदी आज २५ रुपैयाँले घटेर २ हजार ३१५ रुपैयाँ तोकिएको छ।
