यस वर्षको नाडा अटो शो २०२५ ले मात्र तीन दिनमै ऐतिहासिक उपस्थिति कायम गर्दै ७८,५१३ अवलोकनकर्ताको सहभागिता सुनिश्चित गरेको छ। यो तथ्यांकले आर्थिक चुनौतीका बाबजुद नेपाली जनतामा अटो शो प्रतिको उत्साह र विश्वास बढ्दै गएको स्पष्ट देखाएको छ।
नाडा अटोमोबाइल्स एसोसिएसन अफ नेपालका अध्यक्षले यस उपलब्धिलाई नयाँ सुरुवातको रूपमा लिने बताएका छन्। उनका अनुसार, यसले नेपाललाई अटोमोबाइल नवप्रवर्तन र भविष्य–उन्मुख मोबिलिटी समाधानको केन्द्र बनाउने आत्मविश्वास थप मजबुत गरेको छ।
शोमा सहभागी सबै प्रदर्शक, प्रायोजक, सरकारी निकाय, सञ्चारकर्मी र दर्शक प्रति नाडाले हार्दिक आभार व्यक्त गरेको छ। यस अटो शोले अब केवल प्रदर्शनी मात्र नभई नवप्रवर्तन, उद्यमशीलता र भविष्य–तयारीको राष्ट्रिय उत्सवको रूपमा आफ्नो पहिचान बनाएको छ।
