हिमालयन बैंकमा रहेको पाकिस्तानको हबिब बैंकको सेयर खरिद गर्न नेशनल लाइफ इन्स्योरेन्सले पाकिस्तानको हबिब बैंकसँग सम्झौता गरेको छ । नेशनल लाइफले गत २९ साउन बिहिबार हबिबको सेयर खरिद गर्नका लागि बैंकसँग सम्झौता गरेको हो । सीमाभन्दा बढी नभएकाले बिमा प्राधिकरणबाट स्वीकृति लिनुपर्ने थिएन । तथापि, प्राधिकरणबाट यसअघि नै यसको स्वीकृति लिइसकेको छ जनाइएको छ ।
इन्स्योरेन्सले प्रतिकित्ता ११८ रुपैयाँ ८० दरमा सेयर खरिद गर्ने सम्झौता भएको छ । हबिबले सेयर बिक्री गर्न हिमालयन बैकमा दिएको निवेदनका आधारमा बैकले संस्थापक लगानीकर्ताहरूलाइ आवेदन आह्वान गरेकोमा नेशनल लाइफसँगै प्रभु महालक्ष्मी लाइफ इन्स्योरेन्स र बैंक लगानीकर्तामध्येका रामप्रसाद आचार्य र अर्का एक जना महिलाले पनि आवेदन दिएका थिए ।
