हिन्दु धर्मावलमबीहरुको महा चाड बडादशैं शुरु भएको छ । दशैं अब तिहार आउँन केही दिन मात्र बाँकी रहेको छ। दैनिक जीवनबाट थोरै भएपनि फुर्सदिलो भएर विदाको सदुपयोग गर्दै परिवार सहित घुम्न जाने प्रचलन बढ्दै गएको छ।
यहीँ विदाको समयमा देशका विभिन्न स्थानहरु घुम्ने आन्तरिक पर्यटकहरुको संख्या पछिल्लो समय बढ्दै गएको छ। यो समय दोलखा जिल्लाको पर्यटकीय स्थान जिरी उपत्यकाका एक उपयुक्त गन्तव्य हुन सक्दछ।
जिरीलाई नेपालको स्विट्जरल्यान्ड पनि भनिन्छ।
यहाँको भू–बोट स्विट्जरल्यान्डको जस्तै देखिने भएकाले त्यहाँको सरकारले लामो समयदेखि यसस्थानको विकासमा सहयोग गर्दै आएको छ। विदाको सदुपयोग गर्न जिरीको भ्रमण उपयुक्त हुनसक्छ।
