यो साता आइतबार २१.४८ अंकले घटेको शेयर बजार आज सोमबार पनि सामान्य ओरालोतिर लागेको छ।
आज नेप्से परिसूचक ३.०२ अंकले घटेर २६०६.६७ बिन्दुमा झरेको हो।
आजको कारोबारमा ३ सय ३१ कम्पनीको १ करोड १ लाख ४६ हजार ४ सय कित्ता शेयर खरिदबिक्री हुँदा ४ अर्ब ६६ करोड ९५ लाख ४८ हजार ७ सय ४२ रुपैयाँको कारोबार भएको छ।
यो कारोबार रकम पछिल्ला केही दिनयताको तथ्यांकअनुसार कम हो। आइतबार ५ अर्ब ३३ करोड ४४ लाख १५ हजार ३ सय ३१ रुपैयाँको कारोबार भएको थियो।
आज क वर्गका कम्पनीको सेन्सेटिभ इण्डेक्स ०.३३ अंकले घटेको छ भने फ्लोट इण्डेक्स ०.१७ र सेन्सेटिभ फ्लोट इण्डेक्स ०.३४ अंकले घटेको छ।
आजको कारोबारमा चार कम्पनीको शेयर सकारात्मक सर्किट लेभलमा कारोबार भएको छ।
