होटल तथा रेस्टुरेन्ट एसोसिएसन, लेखनाथको १८औँ वार्षिक साधारणसभा तथा सातौँ अधिवेशनबाट सुरेस लामिछानेको अध्यक्षतामा नयाँ कार्यसमिति सर्वसम्मत निर्वाचित भएको छ।
सोमबार सम्पन्न अधिवेशनबाट उपाध्यक्षमा विष्णुहरि सुवेदी, महासचिवमा शक्तिश्री कोइराला, कोषाध्यक्षमा मुक्ति सुवेदी र सचिवमा रोजेन्द्र सुवेदी निर्वाचित भएका छन्। साथै समितिका सदस्यमा प्रकाश सापकोटा, निर्मला थकाली, अमृत लामिछाने, रविभक्त थापा, अनिल ढकाल र ओम श्रीस मगर रहेका छन्।
सातवटा तालसँगै लेखनाथ क्षेत्रलाई पर्यटकीय गन्तव्यको रूपमा प्रवर्द्धन गर्दै आएका एसोसिएसनमा करिब एक सयभन्दा बढी होटल व्यवसायी सदस्य रहेका छन्। नयाँ कार्यसमितिले क्षेत्रको पर्यटन विकास र होटल व्यवसाय प्रवर्द्धनमा थप सक्रिय भूमिका निर्वाह गर्ने अपेक्षा गरिएको छ।
एसोसिएसनका पदाधिकारीहरूले लेखनाथ क्षेत्रलाई पर्यटकमैत्री बनाउन, सेवा गुणस्तर सुधार्न र सदस्य व्यवसायीहरूको हित संरक्षणमा निरन्तर काम गर्ने प्रतिबद्धता व्यक्त गरेका छन्।
