साताको चौथो कारोबार दिन आज बुधबार नेप्से परिसूचक १०.३० अंक बढेर २६४८.९० विन्दुमा पुगेको छ।
आजको कारोबारमा ३ सय ३३ कम्पनीको १ करोड ४ लाख ५६ हजार ९ सय ८० कित्ता शेयर खरिद(बिक्री हुँदा ४ अर्ब ४५ करोड ११ लाख ४९ हजार ८० रुपैयाँ बराबरको कारोबार भएको छ।
आज सेन्सेटिभ इण्डेक्स शून्य दशमलव २६ अंक बढेको छ भने फ्लोट इण्डेक्स शून्य दशमलव ४७ अंक र सेन्सेटिभ फ्लोट इण्डेक्स शून्य दशमलव २८ अंकले बढेको छ।
सालपा विकास बैंक र रिलायन्स स्पिनिङ मिल्सको शेयर सकारात्मक सर्किट लेभलमा कारोबार भएको छ। विन नेपाल लघुवित्त वित्तीय संस्थाको सेयरमूल्य ९ प्रतिशतभन्दा बढी बढेको छ।
हिमालयन पावर पार्टनरको शेयर मूल्य सर्वाधिक ५.९८ प्रतिशत घटेको छ।
कारोबार रकमका आधारमा आँखु खोला जलविद्युत कम्पनी २८ करोड ६९ लाख १९ हजार रुपैयाँबराबरको शेयर किनबेच भएको छ। ङादी ग्रुप पावरको करिब साढे २५ करोड रुपैयाँको शेयर कारोबार भएको छ।
१३ उपसमूहमध्ये १० उपसमूहको परिसूचक बढेको छ भने ३ उपसमूहको परिसूचक घटेको छ। जीवन बीमा उपसमूहको परिसूचक सर्वाधिक १.७९ प्रतिशत बढेको छ।
