प्रधानमन्त्री बालेन्द्र शाह-बालेन संयुक्त राष्ट्रसंघको महासभामा भाग लिन जाने भएका छन् ।
अमेरिकाको न्युयोर्कमा हुन लागेको संयुक्त राष्ट्रसंघको ७९ औं महासभामा भाग लिनका लागि प्रधानमन्त्री शाह जान लागेको प्रधानमन्त्री कार्यालयले जनाको छ ।
उनीसँगै परराष्ट्रमन्त्री शिशिर खनाल पनि सहभागि हुनेछन् ।
‘महासभामा के विषय उठाउने भन्नेबारे प्रधानमन्त्री तथा मन्त्रिपरिषद् कार्यालयबाट पनि चासो व्यक्त भएको छ ।
प्रधानमन्त्री शाहको भ्रमणबारे औपचारिक निर्णय भने हुन बाँकी छ ।
यसअघि गत ३ भदौमा बसेको मन्त्रिपरिषद् बैठकले परराष्ट्रमन्त्री खनालको नेतृत्वको प्रतिनिधिमण्डललाई महासभामा सहभागी हुनका लागि स्वीकृति दिएको थियो ।
पछिल्लोपटक रसुवाको भोटेकोशीमा आएको बाढीपछिको अवस्थालाई मध्यनजर गर्दै प्रधानमन्त्री शाह पनि सभामा सहभागी हुन जान लागेको हो ।
प्रधानमन्त्री शाह आफैं उपस्थित भएर उक्त सभामा जलवायुको विषय उठाउन पर्ने माग पछिल्लो समय बढेको थियो ।
जलवायु संकटकै कारणले नेपालले ठूलो क्षति व्यहोरेको पृष्ठभूमिमा यो सभालाई प्रयोग गरेर नेपालले आफूमाथि न्याय माग्न संयुक्त राष्ट्रसंघको महासभामा प्रधानमन्त्री शाहको सहभागि हुन लागेको हो ।
