गुल्मी जिल्लामा आयोजित कार्यक्रममा युवा नेता सागर ढकालले आफ्नो व्यक्तिगत अनुभवसहित काम र समाजसेवाको महत्वबारे स्पष्ट दृष्टिकोण प्रस्तुत गरेका छन्।
उनी भन्छन्, “अहिलेसम्म गुल्मी जिल्लामा तपाईंहरुले हेर्नुभयो भने पेशा गरेको नेता खोई? काम गरेर खानुपर्छ कि पर्दैन? तपाईंले यहाँ किराना पसल गर्नुपर्ने, होटल गर्नुपर्ने, व्यवसाय गर्नुपर्ने, गाडी चलाउनुपर्ने। नेताहरूले गर्न पर्दैन? छोराछोरी पाल्नलाई केही गर्न पर्दैन? नेताहरु अहिलेसम्म के गरे? काम गरेर खाए? खाएनन्। तर हामीले काम गरेर खाएको आजको दिनसम्म।”
सागर ढकालले थपे, “गएको पाली डडेल्धुरामा हार्दै गर्दाखेरी काम गर्न गएँ, म के गल्ती गरे? काम गर्न पाईने हो, तर समाजसेवा पनि गर्छु। समाजसेवा र काम सँगसँगै हुन्छ।”
उनको यो वक्तव्यले सामाजिक उत्तरदायित्व र व्यावसायिक परिश्रमलाई सँगै अघि बढाउने दृष्टिकोणलाई प्रस्तुत गरेको छ। ढकालले व्यक्तिगत अनुभव र समर्पण मार्फत युवालाई प्रेरणा दिनुपर्ने आवश्यकतामा जोड दिएका छन्।
