नेपालको पहिलो र प्रतिष्ठित बाणिज्य बैँक नेपाल बैंक लिमिटेड र नुवाकोटको दुप्चेश्वर गाउँपालिका– ७ स्थित कोटबारी होटेलबिच छुट सम्झौता भएको छ ।
बैंकमा कार्यरत कर्मचारी, कर्मचारीका परिवार र खातावाल ग्राहकलाई उक्त होटेलका सेवामा लाग्ने शुल्कमा छुट प्रदान गर्नेसम्बन्धी सम्झौता भएको हो । सम्झौतापत्रमा बैंकका तर्फबाट सहायक प्रमुख कार्यकारी अधिकृत प्रकाशकुमार अधिकारी र कोटबारी होटेलका महाप्रबन्धक आनन्दसिंह ठकुरीले हस्ताक्षर गरे ।
यससँगै बैंकका कर्मचारी, तिनका यरिवार र खातावालले होटेलका विभिन्न सेवाबापतको शुल्कमा १० प्रतिशतदेखि १५ प्रतिशतसम्म छुट पाउने भएका हुन् ।
पछिल्लो समय नेपाल बैंकले ग्राहक तथा कर्मचारीको हितलाई मध्यनजर गर्दै यस्ता विभिन्न संस्थासँग सहकार्य गर्दै आइरहेको छ ।
