मञ्जुश्री फाइनान्स लिमिटेडले गत आर्थिक वर्षको नाफाबाट लाभांश वितरणका लागि आगामी असोज ३१ गते (शुक्रबार) १८औँ वार्षिक साधारण सभा बोलाएको छ। सभा काठमाडौंको नयाँ बानेश्वरस्थित थापागाउँ ब्याङ्केटमा बिहान ११ बजे सुरु हुने छ।
कम्पनीले हाल कायम चुक्ता पूँजीको १५ प्रतिशत नगद लाभांश (कर सहित) वितरण गर्ने प्रस्ताव पारित गर्न सभा आह्वान गरेको हो। साथै, प्रबन्धपत्र तथा नियमावली संशोधनका लागि सञ्चालक समितिलाई अख्तियारी दिने, आगामी आर्थिक वर्षका लागि लेखापरीक्षक नियुक्त गर्ने लगायतका अन्य प्रस्ताव पनि प्रस्तुत हुनेछन्।
लाभांश वितरण र साधारण सभा प्रयोजनका लागि कम्पनीले असोज २२ गते बुकक्लोज गर्ने निर्णय गरेको छ। यसअनुसार असोज २१ गतेसम्म नेप्सेमा शेयर कारोबार गरी नाम दर्ता भएका शेयरधनीहरूले साधारण सभामा सहभागिता जनाउन र प्रस्तावित लाभांश प्राप्त गर्न सक्नेछन्।
मञ्जुश्री फाइनान्सको यो साधारण सभा आगामी वर्षको नीतिगत निर्णय तथा शेयरधनी लाभांश वितरणका लागि महत्वपूर्ण रहने अपेक्षा गरिएको छ।
