जीवन बीमाको नाफा ३ महिनामै सानो तर स्थिर वृद्धि

निर्जीवन बीमा कम्पनीहरू मध्ये धेरैजसो घाटामा पुगेका बेला जीवन बीमा कम्पनीहरूको नाफामा भने सामान्य सुधार देखिएको छ। चालु आर्थिक वर्ष २०८२/८३ को पहिलो त्रैमासिकमा जीवन बीमाले २.५१ प्रतिशत नाफा वृद्धि गर्दै झन्डै २ अर्ब रुपैयाँ खुद नाफा आर्जन गरेका छन्।

हाल सञ्चालनमा रहेका १४ जीवन बीमा कम्पनीहरूले सार्वजनिक गरेको वित्तीय विवरणअनुसार त्रैमासमा कम्पनीहरूको खुद नाफा १ अर्ब ९७ करोड २४ लाख ५४ हजार रुपैयाँ पुगेको छ। गत वर्षको सोही अवधिमा यो नाफा १ अर्ब ९२ करोड ४१ लाख रुपैयाँ थियो।

व्यापार वृद्धि नै नाफा बढ्ने मुख्य कारण

कम्पनीहरूको बीमा शुल्क आम्दानी १९.८३ प्रतिशतले वृद्धि भएको छ। चालु आवको तीन महिनामा जीवन बीमा कम्पनीहरूले कुल ४९ अर्ब २२ करोड ९३ लाख रुपैयाँ बीमा शुल्क आर्जन गरेका छन्, जबकि गत वर्षको सोही अवधिमा यो रकम ४१ अर्ब ८ करोड १ लाख रुपैयाँ मात्र थियो।

सबैभन्दा धेरै नाफा कमाउने कम्पनीहरू